Ako'y kinabahan sa aking pagtungo sa conference room. Pinatawag ako ng dean ng deparment namin upang mapag-usapan ang isang bagay. Hindi ko naman alam kung ano. Iyon ang unang beses na napunta ako sa silid na iyon kaya nga ako'y nahihiwagaan kung bakit ako pinatawag ng dean. Natagalan ako sa pagtitig sa pinto nito sa lalim ng aking pag-iisip. Sa huli'y pumasok narin ako matapos na humugot ng malalim na hininga.
Ang buong silid ay napintahan ng kulay abong pintura. Wala ng ibang makikitang kagamitan sa loob maliban sa isang mahalagang gamit. Nasa pinakagitna ay ang mahabang mesang kahoy na pinapaikutan ng mga upuan.
Gumuhit sa aking mukha ang pagkabigla nang makita sa loob si Gavin. Siya'y nakaupo kaharap ng dean na namumuti ang buhok, katabi ng matandang lalake ang isang abogadong nakasu
