Ako talaga'y walang balak bumangon sa aking higaan. Tumunog ang aking cellphone kaya napilitan akong umalis ng kama. Nitong mga nagdaang araw ay kulang ako sa tulog kaya binawi ko ng araw na iyon. Presentation at awarding lang naman ng music video ang event na magaganap. Hindi ko plinano na pumunta. Pagapang akong lumapit sa maliit na mesa na kinapapatungan ng cellphone. Umiilaw pa ito sa kadiliman ng kuwarto.
Nakapikit ang isa kong mata nang tingnan ko kung sino ang tumawag. Iginalaw ko ang aking kamay hawak ang teknolohiya. "Hello!" ang bungad ko kay Mip pagkalapit ko ng cellphone sa taenga. Maririnig ang ingay ng tugtogan sa kabilang linya pero hindi parin nito napigilan ang aking kaibigan sa gusto nito.
"Nasaan ka na ba?!" Nailayo ko ang aking cellphone sa taenga sa pagsigaw nito. Su
