Ang tugtogan ay tila lumakas pa sa aking pandinig dahilan upang mas bilisan ko pa ang aking paghakbang. Nagdidilim ang aking paningin sa labis na inis. Ang ibang nakakasalubong ko'y napapatingin sa aking mukha, nagtataka ang mga ito sa bigat ng aking bawat paghakbang. Ilang hakbang pa'y malapit na ako sa labasa na gilid, ngunit hindi na ako nakarating pa't nakatakas nang hilahin ako ng isang taong hindi ko nalaman agad kung sino. Hinawakan ako nito sa kuwelyo sa aking likod sabay hila sa hangin patungo sa gilid upang makaiwas sa mga tingin ng tao.
Pinihit ko ang aking katawan kasabay ng pagtaas ng aking kamao. Magpapakawala ako ng isang suntok para sa taong nanghila sa akin. Ito'y nagawa ko naman pero ang natamaan ko'y ang palad nito na pinangsangga nito.
"Relax, bro. Ako lang ito," sabi
