Pagdating sa bahay ay imbes na ayusin ko ang mga gamit na dadalhin ko sa France ay halos naubos ang oras ko sa pagtulala sa kisame.
Pabalik-balik sa isip ko ang mga sinabi ni Justin Mijares sa akin kanina. Hindi tuloy ako mapakali dahil mukha namang hindi siya nagbibiro sa mga sinabi niya.
Na kung hindi ako magsasalita at patuloy lang ang pananahimik tungkol sa issue katulad sa ginawa ko sa mga nakalipas na buwan ay siya na mismo ang magsasalita at sasabihin ang totoo.
Base sa mga salita niya ay posibleng may alam nga siya tungkol sa ginawang panloloko ni Brett sa akin. He even called Brett a cheater! Kaya sobrang posible talagang alam niya ang totoong nangyari sa pagitan naming dalawa!
Kahit medyo late na ay napabangon ako sa kama at agad na naisip na kausapin siya tungkol doon.
Wala
