Aila
PINASADAHAN ko nang tingin ang paligid nang maalimpungatan ako mula sa 'king pagkakahimbing, dahil sa matinding lamig na tumatama sa 'king balat.
Sandali akong nag-isip. Pagkaraa'y napahinga ako nang malalim, nang mapagtanto ko na wala na nga pala ako sa mansyon ng mga Montivar, dahil nasa ibang lugar ako— sa bahay nang hindi ko pa nakikilalang amo ng kaibigan kong si Yhana.
Gumalaw ako mula sa 'king puwesto, bago ko kinapa ang phone na nasa gilid ko.
Nakatulugan ko na pala ang paggamit dito kagabi, dahil sa kahihintay nang tawag o mensahe man lang mula kay Kuya Keen.
Ano na kayang balita sa ipinangako niya sa akin? Ang sabi nito'y kaagad siyang tatawag nang putulin niya ang aming pag-uusap, pero nakalabas na ako't lahat sa mansyon ng mga Montivar, ay hindi pa rin niya 'ko kino
