Aila
"YHANA? ANONG IBIG SABIHIN NITO?"
Ramdam ko ang tila pagbigat ng aking panga dahil sa sobrang pagkagitla sa mga nangyayari ngayon.
Hindi ako makapaniwala, kahit konting porsyento ay hindi sumagi sa isipan ko na mangyayari ito.
"Pinagkatiwalaan kita . . ." halos wala nang tinig na lumabas mula sa aking bibig habang sinasabi iyon.
Lumunok ako nang hindi hinihiwalay ang aking mga mata sa itinuring kong kaibigan. Ewan ko, pero naghahalo ang awa at galit sa dibdib ko habang nakikipagtinginan sa kanya. Bakas kasi ang takot at nerbyos sa kanyang kinikilos.
"I'm so sorry, Key. S-sorry. G-gusto ko lang naman sanang makatulong—"
"Anong tulong—"
"Pwede mo na kaming iwan, Yhana."
Natigilan ako't tumitig sa lalaking labis kong kinamumuhian nang sambitin niya iyon sa malumanay na tono.
