Umaga na nang ako ay magising, naalala ko agad pagkatayo ko ng kama na kila Cass ako natulog nang nagdaang gabi. Iinot-inot akong nagtungo ng banyo upang ayusin ang sarili, matapos kong ayusin ang aking itsura ay lumabas na ako ng kwarto. Agad akong natigilan nang makitang sitting pretty na nakaupo sa sala si Kuya Van, habang kausap niya si Cass at umiinom silang dalawa ng kape.
Teka..sandali!
Agad akong napakurap-kurap at hindi makapaniwala sa nakikita, parang kahapon lang ay galit na galit siya kay Kuya Van, anong nangyari kay Cass?
Bakit mukhang maayos na silang dalawa?
Nang makabawi sa labis na pagkagulat ay tahimik akong naglakad patungo sa kinaroroonan nila at naupo sa harapan nilang dalawa, habang matamang nakatitig sa kanila.
"Oh, gising ka na pala Suzy, kanina ka pa sinusun
