Chapter 10
Shany
Abala ako sa pagwawalis ng bakuran nang dumating si Lorenzo. Mahigit isang linggo siyang hindi nakauwi. Malamig ang reaksyon ng kaniyang mukha at walang bakas na tuwa sa kaniyang mga mata nang makita ako.
“Tingnan mo itong pinamili ko sa’yo kung magkasya sa’yo. Isuot mo iyan dahil may pupuntahan tayo,’’ malamig niyang iniabot sa akin ang dalawang paper bag.
“Ano ang mga ito?’’ nagtataka kong tanong at kinuha sa kaniyang kamay ang bagay na iniabot niya sa akin.
“Buksan mo para alam mo kung ano ang laman.” Pagkasabi niya pumasok siya sa loob ng bahay. Nagtataka ako kung ano ang ibinigay niya sa akin, kaya pumasok na rin ako at nagtungo sa aking silid.
Nagulat ako nang makita ko siyang nakahubad ng kaniyang pang-itaas habang nagpapalit ng kulay puti niyang polo. Agad a
