PLANO na nina Maureen na hindi na magtagal sa party. Kinailangan nilang umuwi nang maaga dahil may training pa si Jake sa dirt bike kinabukasan. Kaya naman hindi pa natatapos ang party ay nagpaalam na sila sa mga Lee.
"Mamaya na, Tol, Maureen," pigil ni Zkat sa kanila nang sabihin nila rito na kailangan na nilang umuwi. "Sabay-sabay na tayo, tyaka doon na muna tayo sa bahay ko umuwi para makapag-inuman naman tayo, James, ayaw mo bang sumabay sa 'min?"
"Hindi na," umiiling na tanggi ni Simon de Guzman sa kaibigan. "Maaga pa ang alis bukas ng panganay ko para sa training niya, malapit na kasi ang competition."
"Oh edi sa bahay na lang patulugin, maaga pa rin naman siyang makatutulog sa bahay ko. Sige na, Tol, paminsan-minsan lang eh."
"Hindi na talaga," nakangiting tanggi muli ni Simon d
