SA sumunod na araw, dapat ay hindi siya maghahanda ng agahan para sa kaniyang anak ngunit naisipan niyang pumunta pa rin sa bahay ni Simon de Guzman upang magdala ng pagkain, hindi para sa kaniyang anak kundi para sa bunso nitong kapatid.
Nasanay na siyang gumising nang maaga kahit noong estudyante pa lamang siya. Kaya naman hindi na pahirapan sa kaniya ang pagbangon ng alas kwatro ng umaga upang maligo at maghanda ng agahan niya at agahan para kay Tyron.
Pagkatapos niyang kumain ay tyaka siya nagmadaling ibalot ang pagkain na para kay Tyron at tyaka niya inayos ang sarili bago siya lumabas sa kaniyang condo. Ilang taon na rin siyang nakatira dito ngunit hindi niya matapos-tapos ang pagbabayad ng kaniyang unit. Rent-to-own na nga ito ngunit hindi niya magawang magbigay ng malaking halaga
