ISANG linggo ang nagdaan at unti-unti nang nakakapag-adjust si Maureen sa kaniyang bagong boss. Parehas lang naman ang kaniyang posisyon, sekretarya, ngunit iba ang trabaho niya kay Simon de Guzman at iba rin sa dati niyang amo.
Kung sa dati niyang amo ay nagkakaroon siya ng ginhawa sa tuwing pumapasok ito at nababaon naman siya sa trabaho sa tuwing wala, sa bago naman niyang amo ay kabaliktaran ang nangyayari.
Napaka-istrikto ni Simon de Guzman sa oras, kailangan kapag may pinapagawa ito dapat ay matapos niya sa ibinigay nitong deadline. At dahil nga mukhang mas maraming empleyado at negosyong hawak ang kaniyang bagong amo, maraming tao ang naghahanap rito, halos maya't-maya ang pagsagot niya ng tawag sa telepono. Ngayon ay nauunawaan niya na kung bakit kailangan talaga nito ng sekretar
