"Sobrang galing mong kumilatis hano? Kung sabagay, hindi ka aasenso ng ganyan kung hindi ka magaling sa obserbasyon at sa pakikihalubilo sa mga tao."
"So.." Sumandal siya nang seryoso. Awtomatikong nawala ang ngiti sa labi ko lalo na't alam ko na ang sasabihin niya.
"Konting oras pa, Seb. Hihiwalayan ko na siya," maagap kong sabi kahit hindi niya pa natutuloy ang sasabihin niya.
Bumuntong hininga naman si Sebastian. "Bakit ba kasi ang tanga ko?" reklamo niya saka tinukod ang dalawang siko sa lamesa para madiing hilamusin ang sariling mukha. Stress na stress na siya kahit pa ilang beses kong sabihin nang paulit-ulit na siya ang mahal ko.
"Nasasaktan ka pa ba?"
"Huh?" Sinulyapan niya ko. "What do you mean?" naniningkit niyang tanong ulit.
"Tinatanong kita kung nasasaktan ka pa ba, ku
