Kanina ko pa hindi mapigilan ang pagngiti ko habang lumalakad kami ni Sebastian papasok sa isang magarang shop. Kompleto ang mga kailangan namin dito mula sa gamit pang buhok hanggang sa paanan, suit, gown, heels, shoes at marami ring pamimiliang disenyo. Pero hindi ang magagarang damit na 'to ang dahilan ng pagngiti ko, kundi si Sebastian, kung paano kami magkasabay ngayon sa paglakad, magkahawak kamay kami na para bang pinapakita na namin sa lahat na pagmamay-ari namin ang isa't isa.
Sinalubong agad kami ng ilang mga kababaihan na may maayos ding kasuotan. Yumuko sila kay Sebastian at maingat na bumati.
"Kayo ng bahala sa kanya," utos ni Sebastian habang pinakakawalan na ang kamay ko.
Hindi ko inalis ang tingin ko kay Sebastian hanggang sa iharang na sa akin ng isang babae ang gown n
