Kanina pa ko tingin nang tingin sa orasan. Kanina ko pa gustong umuwi pero sadyang mapanadya yata ngayon ang oras. Napakabagal nito ngayon na para bang hindi normal ang ikot ng kamay nito.
Naninibago ako na kami na lang ulit ni Sebastian ang nandito sa office. Talagang tinuloy niya ang pagtanggal kay Cyntia. Nakakapanibago talaga, parang walang buhay.
"Bakit mo tinanggal si Cyntia?" hindi ko na mapigilang tanong sabay lingon kay Sebastian na busy ngayon sa harapan ng computer niya.
Sumulyap lang siya at hindi sumagot kaya napabuga ko ng hangin.
"Hindi mo naba kaya ngayong mag-isa?" kibo niya.
"Hindi naman sa gano'n. Gusto ko lang malaman kung anong nagawa niyang mabigat para lang tanggalin mo siya. Besides, kung dahil 'yon sa sinabi niya sa akin. Hindi valid reason 'yon, 'di ba?" tulo
