"Kape," masiglang alok ni Leonardo na tuwang-tuwa sa bago niyang natutunan.
Napaubo ako. "Bakit walang asukal?!" reklamo ko sabay baba ng tasa sa lamesa.
"Ngayon ka lang ba nakatikim ng black coffee?"
"'Wag ka nang magpalusot. Nakalimutan mo lang 'tong lagyan ng asukal," naniningkit kong sagot bago sumandal.
Muntik ko ng makalimutan na nandito ngayon si Sebastian. Kanina pa siya tahimik habang nakaupo lang sa isang pwesto malapit sa akin. Nakatitig lang din siya ngayon sa tasa na para bang galit siya doon.
"Kahit anong titig mo diyan. Kapag hindi mo pa 'yan ininom, lalamig at lalamig pa rin 'yan," ani Leonardo saka ngumiti nang balingan siya ng tingin ni Sebastian.
"Siguro nga," bigla niyang matamlay na sagot.
"Okay...! Mabuti pa doon na ko sa itaas kasi alam niyo na! Gumagawa a
