Napatingin na ko sa orasan nang medyo dumilim na ang paligid. Baka mapagsaraduhan na ko nito ng mall. Lagi na lang hadlang sa akin itong si Sebastian.
Kanina pa siya nakabantay nang nakabantay sa akin na para bang nagtuturuan kaming dalawa. Ako ang estudyante at siya ang masungit na teacher.
Mabilis akong napatingin sa pinto noong may kumatok. Siguradong si Cyntia 'yon kaya ako ang mabilis na tumayo. Saktong pagsilip ko, siya nga!
"Wala talaga, Cyntia. Hindi talaga kita matutulungang bumili. Nandiyan pa si President at ang dami niyang pinapagawa sa akin."
"Hindi, Ma'am Ariel. Ayos na," pabulong niyang sagot na parang bata.
"Ayos na? Kaya mo na?"
"Tutulungan na ko ni Kuya Simon."
"Ah!" nakanganga kong sagot.
"Sige na, Ma'am Ariel. Una na ko. Medyo late na rin, e. Saka magsha-shop
