"Anong ginawa mo sa akin?" reklamo ko agad sabay harap sa kanya nang makalayo kami sa kanilang lahat.
Nandito kami ngayon sa gilid ng dagat. Nakikisabay pa ang hangin sa inis ko kay Leonardo.
"Bago ka magalit. Nagawan ko na ng paraan."
"Anong paraan? Sure ka bang pareho tayo ng sinasabing kasalanan mo?"
"Oo, na naging sirena ka." Ngumiti siya na parang natutuwa pa. "Easy ka lang, 'nak. Nagawan ko na 'yan ng paraan para sa'yo."
"'Wag mo nga akong tinatawag na anak!"
"Anak kita. Bakit naman bawal?"
"Ah, basta!" inis kong sagot. "Hindi sa akin pwedeng mangyari 'to!"
"Kalma." Tinawanan niya ko.
"Paano ko kakalma? Tao ako! Tao!" nanlalaking matang sigaw ko habang nakaturo sa sarili.
"Kaya nga nagtanong-tanong na ko. Saka aksidente lang naman ang nangyari."
"Aksidente?!"
"'Yon ang
