Kanina pa ako napapatingin kay Gelo habang nagmamaneho s’ya. Hindi ko talaga maintindihan kung bakit kailangan pang sabay kaming umuwi samantalang magkaibang magkaiba naman ang daan pauwi sa amin at sa bahay nila. Isa pa, hindi naman aabutin ng isang oras ang byahe pauwi sa bahay namin kaya kung todo tanggi na ako kanina na magpahatid pa sa kanya. Kayang-kaya ko namang mag-commute at sanay na sanay ako doon. Baka mamaya ay makita pa s’ya ni Mama o ang mas malala ay makita s’ya ng Ate Mira ko na hindi na yata tumitigil sa kakatanong sa akin mula noong pumunta sa graduation ko si Gelo. Ipinaliwanag ko naman ng maayos kay Mama ang sitwasyon kaya naintindihan n’ya. Pero ang Ate Mira ko ay mas malala pa yata sa mga tsismosa naming kapitbahay sa paggawa ng issue. Sinasabihan pa ako na kung may b
