Tuloy-tuloy na pumasok ako sa kwarto matapos kong tanggihan ang sinabi ni Gelo. Literal na hindi na ako nag-isip at agad-agad ay sinabi sa kanya na hindi n’ya ako pwedeng ligawan. At hindi lang dahil sa ayaw ko, kung hindi maraming dahilan kung bakit hindi kami pwede!
Unang-una ay anak s’ya ni Chairman at nakatakdang maging Boss ko sa mga susunod na araw! Paano s’yang manliligaw sa akin? Hamak na empleyado lang nila ako at… hinding hindi kami magiging magka-level! Magkaibang-magkaiba ang mundong ginagalawan namin! Nagkataon lang na naging matalik kong kaibigan ang kapatid n’ya kaya kahit papaano ay nagkaroon kami ng pagkataon na maging magkakilala at magkalapit kahit papaano!
At kahit kailan ay hindi ko naisip na ang isang kagaya n’ya ay magkakagusto sa akin!
Ano bang sinasabi ng Gelo n
