Pagkatapos makaharap at makilala ang mga magulang ni Vlad ay nakasalo naman namin ang mga ito sa tanghalian.
Natuklasan ko na magaang pakisamahan ang mga ito. Istrikto lang tingnan at magsalita ang Daddy niya pero palabiro at makwento ito. Iyong Mommy naman niya ay malambing namang kausap maliban na lang kapag sinasaway nito ang energetic na asawa.
Sa kabila nang masayang pagkukwentuhan ay kapansin-pansin ang pananatiling pormal ng ekspresyon ni Vlad.
Hindi siya sumasabay sa pagtawa o sumasali sa usapan pero alam kong masaya siya dahil relax na relax ang pagkakaupo niya sa tabi ko habang maganang kumakain.
Mukhang alam din iyon ng mga magulang niya kaya kahit parang hindi nakikinig ang anak nila ay nagpapatuloy sila sa masaya nilang pagkukwento tungkol sa naging bakasyon nila sa ibang
