Habang inaayos nina Tito Meg at ng mga assistant na kasama nito ang mga kakailanganin mamaya ni Vlad ay sinunod ko ang suhestiyon nito at inaya si Vlad na lumabas muna kami
Kailangan ko muna siyang ilayo kay Cyrus dahil baka maaapektuhan ang performance niya kapag magpapatuloy siyang ganito kairitable.
May mga nakasalang na para sa final rehearsal kaya napagpasyahan kong manood. Tamang-tama na kasama si Vlad kaya sigurado akong walang sisita sa'kin.
Mabuti na lang at walang reklamong nagpaubaya sa panghihila ko si Vlad at pumuwesto na nga kami ilang upuan mula sa production staff at coordinator ng event upang mas mapanood nang malinaw ang mga nagpe-perform.
Present din si Miss Cruzella sa ibabaw ng malaking stage at may mga backup dancer itong kasama habang kumakanta. Hanggang ngayon
