Chapter Twenty
"Ate, doon sila nag-almusal sa kabilang bahay." Bulong ni Vicky sa akin. Sinusuklayan ko pa si Via nang dumating ito at ngayon ay nagsusumbong.
"Oh, talaga? May almusal ba tayo?"
"Wala po. Lahat naman kasi ng groceries ay roon dinederetso eh."
"Okay. Tara sa labas na tayo kakain. Bibili rin tayo ng mga damit ni Via. Ako rin. Kailangan ko na ng mga bagong damit."
"Ako rin, ate?" paglalambing ng kapatid ko.
"Oo, Vicky. Bili tayo ng mga bagong panty." Nakangising ani ko.
"Magpalit lang pala ako, 'te."
"Pahiramin mo ako ng blouse, be. Hinanap ko iyong mga lumang damit ko na naiwan dito pero hindi ko makita."
"Ate, no'ng nagkaroon ng sunog sa kabilang barangay ay in-donate ni Nanay iyong mga naiwan mong damit. Pinigilan ko siya kaso ang sabi n'ya sa akin noon ay afford m
