Chapter Twenty-five
"Vee, buti at tumawag ka. Malapit na ang debut ni Vella. Iyong mga kaklase n'ya ay nagkaroon ng bonggang debut. Excited itong kapatid mo dahil minsan lang mangyayari ito sa buhay n'ya." Kasasahod ko lang, isang linggo na lang at debut na nga ni Vella. "Mabibigyan mo ba siya ng bonggang party? Nagtanong-tanong na kami ni Ate Veronica mo sa venue."
"Nagtanong na kayo?" gulat na ani ko. Hindi makapaniwala sa narinig. Ngayon nga lang nila na open, kung kailan magpapadala na ako ng sahod ko sa kanila.
"Oo, anak. Pati iyong sa gown ni Vella. Mura lang daw na ibibigay. Tapos sa pagkain ay may nakausap na kami na pwedeng magluto."
"'Nay---"
"Anak, iyong ipapadala mo ay roon naman kami kukuha. Huwag kang mag-alala."
"Pero hindi po ba't may mga bill kayong dapat bayaran?
