Chapter Thirty-three
"Angkol?" malakas ang kabog ng dibdib ko. Kinakabahan ako sa plano kong ito. Sa planong pagsang-ayon sa lalaking hindi ko naman lubos na kilala.
Pera.
Pera iyong kulang sa akin na baka kapag magkaroon ay magbago na rin ang aking kapalaran.
"Vee?" tinig ng lalaki na mukhang naistorbo ko lang ang tulog. Mag-isa ko rito sa kubo dahil kumuha ng kape si Kateren. Ngayon lang din sumagot si angkol na mukhang napasarap ang tulog kaya hindi nakasagot agad.
"Busy ka ba?"
"Seriously? It's 11:54 na Vee. What do you think?"
"Naistorbo ba kita?"
"Woman." Mangha ang tinig nito sa kabilang linya.
"Kung sabihin ko bang kailangan nating magkita ngayon ay pupunta ka ba?"
"W-hat?"
"Kitain mo ako sa waiting shed sa palengke. Hihintayin kita." Sabay end ko nang tawag. Siraulo rin
