FELICITY
SA sinabi ng pinsan ko ay bumili ako agad ng pregnancy kit. Nagtingin din ako sa internet tungkol sa pagbubuntis kung ilang buwan bago malaman.
Hindi na rin ako kumakain ng junk food para kung sakaling mabuo na ang baby namin ni Hermes ay walang defect at malusog ang anak namin. Panay na gulay at isda ang kinakain ko.
“Ano ang mga ito?” Tanong ng pinsan ko nang dumating ito galing sa trabaho. Nasa ibabaw ng table ang pinamili kong mga gulay at isda.
Lumapit ang pinsan ko sa akin at sinalat ang leeg ko. “Ikaw ba iyan, Feli? Hindi ka ba sinaniban ng maligno?” sabi ng pinsan ko. Hindi ko nga alam kung nagbibiro siya o seryoso sa sinabi niya.
“Ako ito. Gusto ko lang magbago ang lifestyle ko sa pagkain. At saka bawas ako ng mga mamantikang pagkain at dapat puro masusustansyang
