FELICITY
TAHIMIK lang ako habang pinakakain ni Hermes. Nang malaman ko ang kalagayan ko ay hindi ko maiwasang malungkot. Sinisi ko pa ang diyos kung bakit hinayaan niyang mangyari ito sa akin. Bakit ako? Pero na-realize kong baka may purpose kaya nangyari ito sa akin. Sa ngayon ay pinipilit kong tanggapin ang nangyari sa akin.
“You need to eat more, Feli,” sabi ni Hermes. Umiling ako.
“Busog na ako, Hermes. I want to rest.”
Malalim na nagbuntonghininga si Hermes. Alam kong napipilitan lang naman siyang asikasuhin ako. Hindi naman niya ako kailangan pagtuunan ng pansin. Tumalikod na ako bago pa tumulo ang luha ko. Bago ko pa siya talikuran ay hinawakan niya ang kamay ko.
“Feli, I understand how difficult it is to be in your predicament. I have been there, too. Sa kabila ng nangyari
