DIANA POINT OF VIEW
"'Wag 'yan, masyadong mahal." Pinigilan ni Ivan ang kamay ko sa pagtangan sa isda. Bumaling siya sa ibang pwesto at hinila ko habang karga niya naman si Philie.
"Pwede naman na 'yon, e."
"Syempre kung pipili ka na lang din dapat 'yung mura na at sariwa." Baling niya sa akin. Ngumuso na lang ako at sumunod sa kanya dahil wala naman na kong magagawa. Hindi niya pa rin binibitawan ang kamay ko.
"Daddy Ivan, gusto ko na pong kumain," malambing na sabi ni Philie at nang-uuto na yumakap sa leeg niya.
"Anak, pagkabili natin dito. Uuwi agad tayo at magluluto si Mommy," saway ko sa kanya at pasimple siyang nilakihan ng mata.
Lagi siyang ganyan kay Ivan at nahihiya na ko dahil lahat ng gusto ni Philie ay binibigay niya rin. Ayos naman si Ivan, sa tingin ko kung walang mag
