DIANA POINT OF VIEW
"Philie, dahan-dahan lang sa pagkain," kunsumido kong bawal sa kanya. Tumatawa lang sa amin si Phillip at mas kinukunsinte pa ang anak.
"Hayaan mo lang kasi siya."
"Baka kasi kung mapano siya," reklamo ko habang pinupunasan ng tissue ang bibig ni Philie.
"Daddy, tama ka. Masarap nga dito." Tuwang-tuwa niyang baling kay Phillip.
"Gusto mo bang mag-take out pa tayo?"
"Sige po!"
"Sumasakit ang ulo ko sa inyong dalawa." Sabay silang tumingin sa akin. "Kapag ikaw hindi natunawan. Yari ka sa akin," banta ko.
"Daddy, sa amin ka naba titira?" Humawak siya sa braso ni Phillip kaya nangiti ito sa akin at bumaling din sa kanya.
"Hindi," sagot niya kaya napabusangot ang anak namin. Tumingin siya sa akin kaya pilit akong ngumiti. "Sa bahay ko na kayo tumira," biglang sabi
