"Kuya uod po? Bakit ito po di naman ito kinakain eh! Sabi mo may food na, sabi mo may pagkain tayo, bakit iyan ang dala-dala mo nakakadiri naman po yan eh! Bakit wala po bang kanin kahit po egg na lang?" halata ang pagkadismaya sa mukha ng batang si Marilag ng masilayan nito ang pagkaing sinasabing dala-dala ng kanyang Arlott.
"Marilag hindi ba sinabi ko na sayo na wala tayo sa syudad, nasa bundok tayo. Wala rin tayong lutuan, at wala rin tayong lulutuin 'di ba sinabi ko sayo na dapat magtiis tayo kung gusto nating mabuhay. Wala tayong kanin, wala tayong chicken, at kahit na anong pagkain, ito lang ang meron. Gusto mo ba na mamatay tayo parehas sa gutom? Paano pa tayo mahahanap ng Mama at Papa mo kung patay na tayo. Kapag hindi tayo kakain ng kahit na anong pwedeng kainin mamatay tayong
