"Marilag kaya mo bang samahan si Kuya sa kabilang panig nitong sapa? Kukuha kasi tayo ng mga tuyong kahoy para makapag pa apoy tayo sa loob ng kweba. Kuha muna tayo ng mga tuyong kahoy bago ako manghuli ng isda pero hindi ko ipapangako sayo na makakahuli ng isda si Kuya ha. Basta gagawin ko ang lahat para makakain tayo ng lutong isda." wika niya sa batang si Marilag na noon ay kumakain pa rin ng saging.
Matapos kasi nilang mananghalian ay ipinasiya niya na bumalik sa sapa para subukang manghuli ng isda pero dahil kakailanganin nila ng mga kahoy na tuyo para makagawa ng apoy ay minabuti niya na isama si Marilag para magpatulong dito na mag-ipon. Hindi naman kasi malalim masyado iyong dinadaanan niya patungo sa kabilang panig ng sapa dahil may mga bato naman iyon at hindi talaga malalim sa
