"ANONG problema?" Iyon ang bungad kong tanong kay Keeyana nang makarating na sa hospital.
"Si Sebastian, Ate, hindi ko alam kung paano ilalabas ng hospital. Sinubukan ko nang ilakad ang mga papel niya para kahit papaano ay mabawasan ang bayarin, kaso may mga kulang na dokumento. Hindi naman maasikaso ni Mama dahil abala rin sa trabaho. Alam mo namang hindi siya puwedeng um-absent dahil ang kinikita niya sa araw-araw ay idinadagdag namin sa pangkain."
Pakiramdam ko ay sasabog na ang ulo ko sa dami ng problema. Nabawasan nga ang problema ko dahil gumaling na ang bunsong kapatid, may dumating na namang bago.
"Huwag kang mag-alala. Gagawan ko ito ng paraan," pagpapakalma ko sa kapatid.
Bahagya siyang ngumiti. "Pasensiya na, Ate. Hindi ko talaga alam kung anong gagawin ko. Kung may trabaho
