"HALA! Parang gusto ko rin niyon, kaso baka kapag umuwi ako sa amin ay hampasin ako ng nanay ko."
Napuno ng tawanan ang kusina nang dahil sa sinabi ni Lily. Kapag talaga sa mga ganitong bagay ay siya ang nangunguna. Nadadala kami sa pagiging madaldal niya.
"Hindi naman siguro," sambit ko nang humupa na ang tawanan.
Ngumuso siya. "Sana nga. Ang ganda pa naman ng mga tattoo ideas na nakikita ko."
Ngayong araw ay bigla na lang namin napag-usapan ang tungkol sa tattoo nang simulan 'yon ni Lily. Base sa kuwento niya, nakakita siya sa online ng mga tattoo ideas na talaga namang pumukaw sa interes niya. And now, she wants to have a tattoo. Ang kaso nga lang, nagdadalawang-isip pa siya kung magpapalagay ba o hindi.
"Pero pag-isipan mo muna nang mabuti. Hindi naman masama ang magpalagay niyan.
