NANLALAKI ang mga mata ko habang sinasalubong ang seryoso niyang titig sa akin. Parehong nakamulat ang mga mata namin habang magkakonekta pa rin ang labi namin mula sa isa't isa. Ramdam ko ang pagiging malambot nito.
Tuluyan nang umawang ang bibig ko nang matantong hindi ako pinaglalaruan ng isipan. Talagang... talagang magkadikit ang labi namin ni Khai sa isa't isa!
Mukhang mali ang ginawa kong pag-awang ng labi. Parang iyon ang nagtulak kay Khai na ipikit ang mga mata. Ang sunod ko na lang naramdaman ay ang dahan-dahang paggalaw ng labi niya sa ibabaw ng labi ko.
Nanghihina kong inangat ang kamay sa ere at dinala ito sa balikat niya. Sa halip na itulak siya palayo ay nanatili ito roon, tila roon humuhugot ng lakas para hindi mabuwal mula sa pagkakatayo.
Unti-unti na akong nawawala sa
