"MANANG, aalis na po ako."
"Ay, teka saglit lang. May ipapasabay ako sa 'yo, Katie."
Kumunot ang noo ko sa sinabi niya pero kinalaunan ay tumango na lang.
"Ano po 'yon, Manang?"
"Hintayin mo ako rito," tanging sinabi niya bago ako iniwanan sa salas. Nagtungo siya sa hagdanan at tuluyan nang umakyat sa pangalawang palapag ng bahay.
Ilang minuto rin akong naghintay kay Manang Cecilia sa unang palapag ng bahay bago siya bumalik nang may dala-dalang isang envelope. Inabot niya ito sa akin na ikinapagtaka ko.
"Ano pong gagawin ko rito?" naguguluhan kong tanong.
"Isabay mo na 'yan sa pag-alis mo. Idaan mo sa restaurant ni Sir Khai."
"Po?" Namilog ang mga mata ko sa pagkabigla.
"Inutusan kasi ako ni Sir Hakenson na dalhin 'yan kay Sir Khai, pero tutal aalis ka rin naman ay ikaw na lang d
