"PINAPATAWAG ka ni Sir Khai sa kwarto niya. May i-uutos yata sa 'yo," ani Lily nang madaanan niya ako sa salas.
Tinigilan ko ang pagma-mop sa sahig at napatingin sa kasamahan. I gave her a smile and nodded my head.
"Sige. Ililigpit ko lang ito at pupunta na sa taas."
Nang mawala na sa harapan ko si Lily ay roon na naglaho ang ngiting nasa labi ko. Marahas akong nagbuntong hininga at hindi na maipinta ang mukha.
Ano kayang kalokohan ang pinaplano ng isang 'yon? Ilang araw din siyang bigla na lang nanahimik. Imbes na mapanatag ang kalooban sa ginawa niya, mas lalo lang ako kinakabahan lalo na sa tuwing maaalala ang banta niya. Pakiramdam ko tuloy kaya siya nananahimik ay dahil nagpaplano. At mukhang tama nga ang hula ko.
Binitbit ko na ang mop at iniligpit muna 'yon bago tinungo ang pa
