"AYOS ka lang, Katie? Bakit nakatulala ka lang diyan?"
Naibalik ako sa sarili dahil sa narinig na boses na 'yon. Napaamang ako nang makita si Lily sa aking harapan. Hindi ko napansin ang pagdating ng presensiya niya sa paligid ko.
"A...ayos lang," nauutal ko pang tugon dala ng kaunting gulat at hiya.
Kumunot ang noo niya at halatang naguguluhan sa ikinikilos ko.
"May sakit ka ba? O baka masama ang pakiramdam mo?"
Sunod-sunod akong umiling. "Wala. Huwag kang mag-alala, ayos lang ako."
Napatango na lang siya kahit bakas pa rin sa kanya ang pagtataka. Nagpaalam na siya at muli na akong iniwanan dito sa kusina.
Nang maiwanang mag-isa ay napabuntong hininga na lang ako at nasapo ang ulo. Kasalanan ito ni Khai kung bakit tila lumulutang ako ngayon at wala sa sarili. Gumugulo pa rin kasi s
