"ATE, buti nakadalaw ka sa amin ngayon," sambit ni Keeyana nang maupo sa tabi ko.
Ngumiti ako. "Pinayagan kasi akong mag-day-off ngayon."
Nang malaman ni Mr. Hakenson ang day-off ng lahat ng kasambahay noong nakaraang araw, ako naman ang pinagbigyan niya ng day-off para makapagpahinga. Nagtataka pa nga ang matanda kung bakit pinag-day-off ng anak niya ang lahat ng kasambahay pwera lang sa akin. Pero magaling magpalusot ang panganay niyang anak kaya hindi pa rin nalaman ng ama niya ang ginagawa niyang pagpapahirap sa akin.
"Anong sabi ng doctor sa kalagayan ni Sebastian? Magiging maayos na ba siya? Kailan ang labas niya rito?" sunod-sunod kong at bumaling sa bunsong kapatid na mahimbing natutulog sa hospital bed. Kanina lang ay sinalubong niya ako nang dumating ako rito sa hospital para
