Mariin akong pumikit bago ko malakas na ipinagpag ang aming mga uniform na aking nilabhan. Maayos ko na iyong inilagay sa sampayan upang agad itong matuyo. Sabado ngayon at ginagawa na naman namin ang trabaho ng isang alila. Naka-upo sa aking gilid si Geron, binabanlawan nito isa-isa sa isang malaking batya ang mga damit na nasabon na. Nakasuot siya ng hanggang tuhod na maong short, at manipis na kulay itim na sando. Tumatagaktak mula sa kanyang noo ang mga butil ng pawis dala ng init ng maalinsangang panahon. Napangiwi ako nang maramdaman ang bahagyang paghapdi ng mga kalmot ko sa aking dalawang braso. Natutuyo na ang ilan sa kanila, ang iba naman ay sariwang-sariwa pa at bahagya pang dumudugo ng kaunti.
“Nakakainis.” bulalas ko kapagdaka.
Mabilis na umikot sa ere ang aking mga mata. S
