Jhauztine's POV
PAGKAGALING ko sa bahay nila Nathan ay muli akong sumakay ng taxi pauwi sa bahay ng Daddy ko. Baka kasi naroon siya, tapos bigla akong magising na panaginip lang pala ang lahat ng nangyayari sa akin ngayon.
Habang lulan ng taxi ay paulit-ulit kong dinadasal na sana magising na ako, kasi hindi ko na kaya. Ang sakit-sakit nang makita ang mga pandidiri nila sa akin.
Nang makarating sa bahay ni Daddy ay kaagad akong dumiretso sa loob ng bahay. Nakakapangilabot na kalungkutan ang sumalubong sa akin pagkapasok ko pa lamang ng main door. Walang tao, walang ingay, wala ang Daddy ko para salubungin ako na malawak ang ngiti sa mga labi. Yayakapin ako at hahalikan sa noo, at sasabihin na salamat dahil bumaba na ako ng bundok. Na na-miss niya ako.
Muling nag-unahan sa pamamalisb
