Jhauztine's POV
"TINE, tama na, please?" Pigil sa akin ni Ate Sally.
Nagpupumilit kasi akong makapasok sa loob ng funeral home kung saan nakalagak ang Daddy ko. Pero kagaya sa hospital, hindi rin nila ako pinayagang makalapit sa kaniya. Kung mahigpit ang bantay sa hospital, mas mahigpit ang bantay dito.
Iyong pakiramdam na patong-patong na ang sama ng loob na nararamdaman ko. Iyong hindi ako makauwi sa bahay namin ni Nathan dahil hindi niya ako gustong makita. Iyong pinalayas ako ng kapatid ko sa bahay ng Daddy ko. Tapos ang makita sa mga huling sandali ang Daddy ko pero ipinagkakait pa nila sa akin.
"Tine, tama na, ha? Umuwi na lang muna tayo. Bumalik na lang tayo mamaya o bukas. Stress na stress ka na eh," awat ni Ate Sally. Hinihila niya ako palayo sa mga security na kinuha ni Tita
