Jhauztine's POV
"SANDALI!" Malakas na sabi ko nang makarinig ng sunod-sunod na katok mula sa labas ng pinto.
Matapos kong maglagay ng kaunting polbos at light lipstick sa aking mga labi ay nagmadali na akong lumapit sa pinto para buksan iyon. Kaagad kumabog ang dibdib ko nang bumungad sa akin ang guwapong mukha ni Nathan.
"Tapos ka na?" kapagkuwa'y tanong nito sa akin. Bigla akong nailang nang pasadahan niya ako ng tingin. "Nice outfit, ha," hayagang papuri niya.
Nakasuot kasi ako white sando na pinatungan ko ng denim jacket tapos pantalong maong na medyo kupas na ang kulay. Rubber shoes na puti naman ang sapin ko sa aking mga paa. Pang-bundok pa rin ang get up. Wala eh, nasanay na ako sa ganitong ayos ko.
"Anong nice sa suot ko kumpara riyan sa suot mo?" Nakangiting balik-tanong k
