Jhauztine's POV
INABOT ng lagpas apat na oras ang naging biyahe namin ni Nathan. Macau to Manila. Manila to Angeles Pangasinan. Pagdating namin sa Airport ay kaagad na may sumundo sa amin.
"Magandang araw po sa inyo, Ma'am, Sir Nathan," bati sa amin ng isang lalaking medyo may edad na. Yumukod pa ito, saka kinuha sa amin ang mga maleta at isa-isang isinakay sa kotse.
"Thank you, Arnold," pasalamat naman ni Nathan sa kaniya.
"Walang anuman ho, Sir Nathan," nakangiting sagot naman nito.
Kinabig ako ni Nathan palapit sa katawan niya at saka nagsalita. "Asawa ko, Arnold, si Jhauztine." Bumaling siya sa akin. "Sweetheart, si Arnold, family driver siya ni Auntie Laura," tukoy nito sa Tiyahin na pupuntahan namin.
"Ang ganda naman po ng asawa n'yo, Sir," hayagang papuri nito.
Ngumiti
