Jhauztine's POV
KINABUKASAN ay maaga nga kaming gumayak ni Nathan pabalik ng Manila. Matapos makapag-ayos ng aking sarili ay inayos ko na rin ang mga gamit namin ni Nathan. Nauna na kasi sa labas ang asawa ko dahil naglalagay na siya sa kotse ng mga padalang pasalubong ni Auntie Laura para sa mga magulang ni Nathan.
Bago lumabas ng kuwarto ay inayos ko rin muna ang kuwartong tinuluyan namin ni Nathan at pagkatapos niyon ay lumabas na rin ako bitbit ang mga bag na magaan lang naman.
Naabutan ko si Auntie Laura sa labas habang nakatingin kay Nathan na naglalagay ng mga gamit sa kotseng maghahatid sa amin sa Angeles airport.
"Auntie, salamat po sa magandang pagtanggap sa amin dito," sabi ko nang makalapit sa kaniya.
Humarap naman siya sa akin na may magandang ngiti sa mga labi. Lumap
