"Hanggang sa huling sandali ng buhay ko, Lisa.. Ikaw pa rin ang nasa isip ko..." Lumuluha kong inabutan si Pete sa nalaman kong address niya. Puno siya ng saksak at wala na sa tamang pag-iisip, kung baga-nagdedeliryo na. "Jayson... Tulungan mo ko... Hindi ko mapapatawad ang sarili ko kapag nawala si Lisa. Lisa! Hindi ko manlang nagawang iligtas siya!" umiiyak niyang sambit habang nakahawak sa akin nang mahigpit.
"Nasaan siya, Pete?" Niyugyog ko siya para matauhan pero hindi na siya bumalik sa katinuan. Umiyak na siya nang umiyak hanggang sa mawalan ng malay tao.
Hindi ko mahahanap si Lisa kung mamamatay ang gago na 'to, 'yon ang nasa isip ko noong mga oras na binubuhat ko siya para dalhin sa kotse. Dinala ko si Pete sa pinakamalapit na hospital at tumawag ng mga pulis.
Wala pang isang o
