"Hanggang ngayon naaalala ko pa rin kung paano niya ko tingnan dati . . . 'yung mga mata niyang walang pakialam sa nararamdaman ko."
Nagising ako sa ingay ng nayuping lata mula sa kamay ni Robi. Galit na galit ang mga mata niya habang nakatitig sa kawalan kaya naman hindi ko magawang bumangon. Nang lumingon siya ay mabilis akong pumikit, sobra ang naging kabog ng dibdib ko.
"Tanga? Ako? Tingnan natin ngayon." Ngumisi siya nang nakakatakot bago tumayo mula sa kinauupuan niya. Ano bang pinagsasasabi niya? Nakakatakot na talaga siya. "Pero ngayon nasa akin na si Lisa. Ano pang magagawa mo ngayon, Jayson?"
Napapikit na lang ako nang mariin habang iniisip si Jayson. Magulo na ngayon ang isip ko. Hindi ako makapaniwalang magagawa 'to sa akin ni Robi. Masyado akong nagtiwala kahit pa marami na
