"Nabalitaan namin na nakauwi na pala si Lisa noong nakaraang linggo. Kumusta na siya, 'nak? Talaga bang okay na siya para palabasin nang gano'n kaaga? Bakit hindi mo nasabi sa amin? Kaya pala ang dalas mo na dito sa bahay."
Natigilan ako dahil sa biglaang pagkibo ni Mama sa harapan ng hapagkainan. Nabitawan ko ang hawak kong tinidor habang iniisip ang lahat ng nangyari. Ayaw na sa akin ni Lisa, 'yan lang ang masasabi ko sa mga bago niyang kinikilos. Nilalayuan niya ko at hindi man lang matingnan sa mga mata.
Napakagat na lamang ako ng ibabang labi ko. Hindi ako nakasagot at mukhang naiintindihan naman 'yon ng mga magulang ko. Mula no'n wala na silang sumunod na tanong.
Kinabukasan, tumambay ulit ako sa loob ng sasakyan ko, sa labas ng restaurant ni Lisa. Tanaw ko siya mula dito na naka
