"Pwede ka naman ng umalis. Bakit nagpapaka-martyr ka pa diyan? Nakokonsensya ka ba dahil sa nangyari sa akin?" sunod-sunod kong tanong at huminto naman siya sa pag-aayos ng mga damit ko sa bag. Tinignan niya ko saka himalang nginitian na para bang natatawa. Napakunot ako ng nuo habang nakatingin sa kanya.
"Dito lang ako, Lisa. Ilang beses ba natin 'tong pag-uusapan?" sagot niya saka muling bumalik sa pag-aayos ng damit.
"Himala? Hindi pa gumagawa ng gulo dito 'yung girlfriend mo?" muli kong salita na ikinatigil niya ulit. Nakita kong nagbuntong hininga siya saka parang pikon na binagsak ang kulay pink kong shirt.
"Wala na kami." Humarap siya sa akin. "Alam kong alam mo 'yon."
"Aba, malay ko ba kung totoo 'yon. Malay ko ba kung umaarte lang kayong dalawa. Besides, mahal mo 'yon, eh."
"
