"Alam mo ba kung bakit gustong gusto ko si Lisa?" tanong ni Pete, tulala sa kawalan. Huminto naman ako at tumingin sa paligid. Nandito ko ngayon sa bar kung saan lagi silang nagkikitang dalawa. "Dahil siya lang ang bukod tanging babae dati na akala ko naiintindihan ako. Siya lang ang naging mabait sa akin," dugtong niya saka ako nilingon. "Pero inagaw mo siya."
Napangiti ako nang mapait. "Ako pala ang kinakausap mo?" sarkastiko kong sagot saka siya tinawanan nang mahina.
"Inagaw mo sa akin 'yung kaisa-isang babaeng minahal ko."
"Okay," sarkastiko ko ulit na sagot. Tumingin muna ko sa folder na hawak ko bago siya balikan ulit. "Asan si Kassandra?" tanong ko saka siya nilapitan.
"Lagi na lang, lagi na lang." Umiling-iling siya, tinalikuran na ko bago lagukin ang isang basong alak.
"Oka
