NGAYON ang simula ng trabaho ni Bernadette sa boutique ni Mommy. Gusto ko sanang magreklamo, ngunit hindi ko magawa. Wala akong lakas ng loob na sabihin kay Mommy na ayokong magtrabaho si Bernadette doon. Mas gusto kong sa company ko na lang ito mag-work atleast nakikita ko siya.
Si Luna ang nag-aalaga kay baby Abigail. Minsan dinadala ko sila sa opisina para mas lalo kong natitingnan ang kalagayan ng anak ko. Tuwang-tuwa naman si Luna dahil madami daw siyang nakikitang pogi sa opisina.
Nagpagawa ako ng isa pang silid dito mismo sa opisina ko para kapag nandito sila doon lang sila. Sa gabi ako ang nagluluto ng hapunan. Hindi na nga namin nakakasama sa pagkain si Bernadette dahil gabi na siya umuuwi. Wala naman akong magawa kahit gusto kong sabihing hindi maganda na umuuwi siya ng gabi. B
