PAGPASOK ko ng kusina likod ni Fernan ang nakita ko. Akala ko panaginip lang nandito si Fernan kagabi. Totoo palang dito siya natulog.
Napalingon si Fernan nang iniusog ko ang upuan. Nagulat pa nga ang hitsura niya na parang hindi niya expected na gising na ako. Napahawak ako sa ulo kong kumikirot. Nasobrahan yata ang inom ko last night. Kasalanan iyon ni Braden. Ang akala ko kakain lang kami sa restaurant. Iyon naman pala pupunta lang kami ng bar.
“Tamang-tama nakaluto na ako ng agahan.” Sabi ni Fernan. Hindi ako kumibo at isang sulyap lang ang ginawa ko.
Napatingin ako sa tasang inilapag niya sa harapan ko. “Coffee for you. Para guminhawa ang pakiramdam mo. I know you have a hangover from last night's drink.” Anito saka ngumiti.
Bakit ba ganito ang lalaking ito? Hindi na ako magp
